KRALENDIJK- Riba djasabra por a mira trabounan di drechamentu di kaminda na e kaminda dilanti aeropuerto Flamingo, tokante kual Awor.nu resientemente a raportá.
E buraku tabata tei ya pa basta tempu i tabata masomenos grandura di un auto grandi. Segun direktor di BIA, Maarten van der Scheer a indiká, tabata tin hopi faktor ku a pone ku no por a drecha e kaminda ainda. E direktor a mustra riba hopi yobida di e último temporada i e echo ku bouwvak a kuminsá na Boneiru, nèt promé ku pasku.
Hopi tabata e kehonan ku a drenta di tur hende ku a pasa buska òf laga hende na aeropuerto. Tambe e buraku tabata mahos bista pa turista ku ta hür auto i mester a kore pasa den e buraku, pa por sali for di e tereno di aeropuerto.
Tambe por komprondé ku ora finalmente ke a adelantá e trabounan, mester a konstatá ku actualmente no tin asfalt na Boneiru pa por a drecha e parti dañá di e kaminda.
Intervenshon
Despues ku diputado di Turismo, Hennyson Thielman a intervení, por komprondá ku a yega na otro solushon, esta di usa klenku ku a usa na diferente otro parti di nos isla, pa drecha e kaminda. E trabounan aki wòrdu ehekutá riba djasabra i ya e buraku i ku esei e mahos bista i promé impreshon negativo a pasa pa pasado.
Kòntròl riba awa durante Regata Boneiru
Poblashon di Karibe Hulandes ta krese, pero e kresementu ta bai baha
Sur Korea ta sali di porta grandi derotando e ekipo di Reino Hulandes ku e skor mínimo di un pa nada
AFBW ta bai skohe direktiva nobo
