Pòstkantor tambe ku servisio adaptá

Kralendijk- Pòstkantor na Boneiru tambe ta haña su mes obligá pa adaptá su servisio na kliente, pa motibu di Covid.

E ofisna postal tin algun trahadó ku ta den karentena preventivo. Esaki ta trese kune ku no por parti karta tur dia den tur bario. Sinembargo, pòstkantor den un komunikado a bisa ku nan lo sigui hasi tur esfuerso pa sigui entregá karta. Por spera algu di retraso si.

Pa loke ta trata oranan di apertura, entrante djaluna 22 di mart, pòstkantor lo ta habrí di djaluna pa djabièrnè for di 8 or di mainta te ku 2 or di atardi.

Tapaboka

Pòstkantor ta enfatisá ku awor ta obligá di bista tapaboka pa por drenta e ofisina pa kalke servisio. Tambe pòstkantor di su banda ta hasi un apelashon riba un i tur pa mantené nan mes na e reglanan pa prevenshon di Covid-19 na Boneiru.

---

• 
  Kiwanis Club of Kralendijk Bonaire tin un direktiva nobo i ta selebra di 5 aniversario 
• 
  Bonaire Tourism Summit 2023 a start na Courtyard Hotel
• 
  Paga tinu riba uso di awa | Aviso
• 
  JetAir Caribbean Ta Cuminsá Buelanan pa Boneiru dia 1 di November
• 
  Servisionan di investigashon di krímen ta interseptá boto ku paranan eksótiko i arma