Notisia

Postulashon di kandidato pa elekshon lo tuma lugá 30 di yanüari

KRALENDIJK- Dia 30 di yanüari 2023 postulashon di kandidato pa elekshon di miembro di konseho insular i kolegio elektoral di Boneiru lo tuma lugá. 

Riba e dia ei por entregá lista di kandidato (modelo H1) i otro formularionan nesesario na Pasangrahan, Plaza Wilhelmina 1, for di 09.00 or te 17.00 or, segun sita. E formularionan rekerí ta  lista di kandidato, deklarashon di aprobashon di e kandidatonan ku nan postulashon komo kandidato, apoderashon pa pone denominashon di e agrupashon polítiko parti ariba di un lista di kandidato, apoderashon pa pone un denominashon, formá pa medio di kombinashon di denominashon di  agrupashonnan polítiko òf abreviashon di esakinan, parti ariba di un lista di kandidato i por último un deklarashon di sosten di un lista di kandidato (modelo H4)

Formulario

Te ku riba e dia di postulashon di kandidato e formularionan akí ta optenibel grátis na ofisina prinsipal di gobernashon na Plaza Wilhelmina 1 i na Registro Sivil na Kaya Neerlandia 40.

Pa mas informashon tokante e instrukshonnan legal relashoná ku entrega di e dokumentunan pa postulashon di kandidato i pa traha un sita, bo por tuma kontakto via  verkiezingenbonaire@bonairegov.com

Deel dit artikel
Rocargo
Rocargo
Rocargo
Rocargo