KRALENDIJK – Entrante djabièrnè 14 di yüli ta adaptá e preisnan di benta di kombustibel, lokual ta nifiká ku konsumidónan lo mira atrobe un preis mas abou na pòmp. Ku e adaptashon aki preis di diferente tipo di kombustibel lo baha.
Preis di gasolin lo baha ku 5 sèn pa liter. Riba 1 di yüli esaki a subi ku 8 sèn. Preis pa un liter di gasolin ta bira awor 1 dòler ku 43 sèn. Ta adaptá preis di disel ku un bahada di 5 sèn pa liter i e ta bira awor 96 sèn pa liter. Na momento di adaptashon riba 1 di yüli e preis a keda méskos.
Banda di gasolin i disel tin otro variante di kombustibel riba kua e bahada di preis ta aplikabel. Bòter di gas grandi di 100 liber lo bira 2 dòler mas barata, mientras e preis di bòter chikí di 20 liber lo baha ku 50 sèn.
Preis di kerosin lo baha ku 2 sèn pa liter. E próksimo adaptashon ta planiá pa 11 di ougùstùs 2023.
Diputado Kroon a duna bista ku progreso di trabo una Ama’s Ballpark
Gran majoria di buelo na BIA ta prosedente for di Kòrsou
Avianca ta pinta avion di kolónan di aerolínea nashonal di Costa Rica
Gezaghèber lo ke mira 75% di adultonan na Boneiru bakuná
