ORANJESTAD – Aruba ta bolbe baha preis di gasolin i hopi mes. Un liter di gasolin lo kosta entrante 14 di sèptèmber 2,68 florin lokual ta un redukshon di 25 sèn.

Disel ta keda meskos. Kerosin tambe ta baha ku 8,5 sèn pa liter. E preis nobo ta bira 2,70 florin.

Ta anunsiá kambionan di preis pa kombustibel normalmente e di dos djamars di luna, pero minister di Asuntunan Ekonómiko, Geffrey Wever, ta na Merka otro siman, kaminda e ta asistí na e Bishita Real na Estados Unido. Ta p’esei a aunsiá e adaptashonnan di preis for di awor.