Ekonomia

Preisnan di gasolin i disel ta baha entrante 24 di yanüari 

KRALENDIJK – Bon notisia pa outomobilistanan na Boneiru. Entrante djabièrnè 24 di yanüari 2025 preisnan di kombustibel ta baha. Preis pa gasolin lo baha ku 5 sèn di $1,41 pa $1,36 pa liter. Ta adaptá e preis di disel tambe i e ta baha ku 3 sèn di $1,00 pa $0,97 pa liter. 

Preis di kerozin ta keda igual na $0,95 pa liter. Preisnan di bòternan di gas di 100 lbs ($58,00) i e bòternan di gas di 20 lbs ($12,00) tambe ta keda igual na e tarifa aktual.

E adaptashonnan di preis aki ta resultado di e desaroyonan riba merkado di kombustibel internashonal. E preisnan nobo ta drenta na vigor djabièrnè 24 di yanüari 2025.

Deel dit artikel