KRALENDIJK- E aña aki Maduro & Curiel’s Bank (Bonaire) N.V., a skohe atrobe 2 organisashon pa nan Premio Anual di Merito 2022. ‘Protect Our Nation’s Youth, (PONY League’) i “Bonaire International Art & Talent Academy (BIATA). Ámbos organisashon tabata presente i a risibí nan mérito.  

E dos organisashon a konta algu di e komienso di nan eksistensia i tambe nan metanan ku nan ke logra i ta logrando kaba. “Nos a logra manda diferente kandidata den eksterior i organisá promé sertámen di Miss Bonaire. 2023 BIATA tin plan grandi pa pone Boneiru riba mapa mundial. Trabou ta sigui”, asina BIATA a trese dilanti. 

PONY League a konta kon e idea a bin pa lanta e organisashon di Bonaire Wolf Pack Foundation. “Tur kos a kuminsá kaminda tres tata a sinta huntu i yega na e idea. Nos ta prepará e mucha pa ora nan ta adulto, nan a siña kon pa biba. No ta solamente deporte e mucha ta siña, pero tambe den e deporte, e ta siña kon mester bida i sa ku disiplina ta un di e kosnan mas importante den bida”.

Donashon

E dos organisashonnan a yama danki na MCB pa e honor i e premio. MCB a honra ámbos organisashon ku un suma di 2500 dòler. Di parti di e tim di MCB Lily-ann Domacasse a gradisí tur presente i klousurá e parti ofisial di e Premio Anual di Merito MCB 2022.