Notisia

Preokupashon tokante bashamentu ilegal di glas den laman banda di waf na Bonaire

Un bista di e trabounan di limpiesa ku a tuma lugá na e sitio, apesar di poko koperashon di parti di outotridatnan kompetente. Pòtret: Julie Morgan.

KRALENDIJK – Aktivista di klima i sambuyadó di hopi tempu Dee Scarr a ekspresá preokupashon tokante e bashamentu ilegal di glas i otro shushi den laman serka di waf den haf di Kralendijk. Scarr, hunto ku otro boluntarionan, ya a remové 193 kilogram di awaseru for di e área. E sushi ta konstituí primordialmente bòternan di glas di krùsh i otro  fragmentonan di glas, kubriendo un área di mas di 3 meter di diámetro.

Ounke ku e sushi a wòrdu deskubrí nuebe luna pasá, segun Scarr outoridatnan di Bonaire no a tuma ningun akshon. Un petishon pa un permiso di naturalesa pa limpia e sushi a keda sin wòrdu kontestá. Un keho na ofisina di Ministerio Públiko na Boneiru tampoko a risibí atenshon. I pió ta, segun Scar ku vários e-mail ku a manda pa Havenmeester Gunther Flanegin nunka no a wòrdu ni skiiera kontestá. 

Scarr i otronan ta sospechá ku e sushi a wòrdu tirá den laman pa e kompania Silversea Cruises. Scarr ta mustra ku den 2005 un insidente similar a tuma lugá. “Na 2005 sinembargo si tur partido a bin huntu i a tuma akshon mesora kontra di Silversea Cruises. Mi no ta komprondé ku awor, ku mesun kos ta pasando pero na un eskala mas grandi, tur involví ta manera sin preokupá i esaki ta konta spesialmente pa Flanegin. 

Protekshon òf no?

E falta di akshon di parti di outoridatnan na Boneiru ta kousa preokupashon serka Scarr i otronan, tokante protekshon di refnan di Bonaire. Scarr ta kuestioná ku e protekshon aki ketu bai ta un prioridat pa gobièrnu di e isla. 

Apesar di e falta di koperashon i atenshon, Scarr huntu ku otro boluntario a sa di saka masoménos 193 kilo di glas kibrá for di e sitio. 

Deel dit artikel
Rocargo
Rocargo
Rocargo
Rocargo