PHILIPSBURG – Prinsesa  Amalia ta spera ku lo bini un kambio rápido den e situashon rondó di e menasanan ku e ta enfrentando na Hulanda. E yu mayó di rei Willem-Alexander i reina Máxima a bisa riba e delaster dia di su bishita ku e ta pasando den un tempu difísil i ku e lo no ta pa semper.

“Mi a kuminsá mi estudio ku e pensamentu di bai hasi loke studiantenan ta hasi. Sinembargo e realidat tabata tur kos ménos esei. Mi ta bai ta hopi sinsero. Mi tin hopi problema ku e kos aki”, Amalia ta bisa.

Loke el a gusta si durante di e biahe ku su mayornan ta ku e por tabatin un tiki libertat. El a bisa ku el a pasa algun dia hopi dushi. 

“Mi ke ekspresá sinseramente mi gratitut pa tur sosten di tantu amigu i famia, pero tambe for di tur parti di Hulanda i pues tambe e área di Karibe”, e prinsesa ta bisa.

Loke e prinsesa ta sinti falta di dje ta “e bida normal di un studiante”. Tambe el a menshoná por ehèmpel kana drenta “un pakus” spontáneo. E prinsesa no a reakshoná riba e pregunta si studia den eksterior ta un opshon; segun e mes ta bisa e ta studiando ainda na Universidat di Amsterdam.

E rei no tabata preukupá pa seguridat di su yu muhé riba e islanan, e tabata hopi “orguyoso”. 

Aña pasá a bira konosí ku Amalia no por a biba mas na Amsterdam, kaminda e ta studia, a konsekuensia di menasanan. E heredera di trono tabata na punto pa muda bai e kapital, pero ta biba na kas ainda. Servisio di informashon di Reino, polis i Ministerio Públiko no ta duna deklarashon tokante di protekshon di e prinsesa di Oranje.