WILLEMSTAD – Probablemente e aña aki mes por habri frontera ku Venezuela. Esei promé minister Gilmar Pisas ta informá na Èkstra. Ku esaki e ta reakshoná riba informashonnan ofisial for di Venezuela.

Den un ‘comunicado’ Venezuela ta informá ku huntu ku Hulanda ta trahando pa yega na un ‘reapertura gradualmente’ di e frontera ku islanan Karibense.

Hulanda ta trahando fuertemente tras di kortina, pero no ta laga sa masha kos. Durante su bishita na Kòrsou Minister Wopke Hoekstra di Asuntunan di Eksterior ta bisa ku e kòmbersashonnan no ta enserá rekonosimentu di e resultado di elekshon di e pais na 2021.

E fronteranan marítimo i espasial ku e islanan Aruba, Kòrsou i Boneiru a sera na febrüari 2019 despues di un desishon di Caracas.