Kralendijk – For di 8 di ougústùs 2021 biaheronan pa Hulanda mester mustra un prueba di corona na yegada. E pruebanan di corona ku Hulanda ta aseptá ta e kódigo QR pa e prueba di bakunashon òf un prueba di rekuperashon di papel komo prueba ku un hende tabatin covid ménos ku 6 luna pasá i a rekuperá. Por pidi e prueba di rekuperashon akí na departamento di Salubridat Públiko na 0800 – 0800. Hulanda ta aseptá tambe un prueba di tèst di PCR di papel di maksimalmente 48 ora promé ku salida. Promé ku salida biaheronan por hasi tèst na un di e proveedornan komersial na Boneiru.

Awor akí habitantenan di Boneiru ku ta kompletamente bakuná mes por upload e kódigo QR di papel den e coronacheck app. Upload esaki den e coronacheck app ta posibel pa habitantenan di Boneiru ku ta kompletamente bakuná, ku un sédula tambe. Nan ta haña e instrukshon pa esaki riba papel ora nan bai buska e kódigo QR di papel na departamento di Salubridat Públiko. Pa hasi petishon pa e kódigo QR mester traha un sita via 0800 – 0900.

Habitantenan di Boneiru ku aktualmente ta na Hulanda i no tin un kódigo QR, por pidi e kódigo na GGD na Utrecht. Por hasi esaki durante ora di ofisina na number di telefòn 030 – 800 2899.

---

Lesa tambe:

• 
  Por deskubrí historia di antepasadonan ku e buki ‘Archivo Spièrtá’
• 
  ZJCN ta introdusí mehorashon den seguro médiko pa islanan BES 
• 
  Marco van de Kreeke bèk na aeropuerto Flamingo komo di dos direktor 
• 
  Otro charla mas pa mayornan tokante uso seif di medionan sosial serka mucha
• 
  Entrega di Kalènder 2025 “Ban Topa Nos Grandinan” na Gezaghèber John Soliano