WILLEMSTAD – E radioemisora Qmusic ta na Kòrsou e siman aki. Normalmente nan ta pará ku nan Q-Beach House riba playa di Oostende, pero nan a kambia esei pa e playa di hotèl Corendon.

Q-dj Vincent Fierens ta presentá di djaluna 14 te ku djabièrnè 18 di novèmber bibu ku su pianan den e santu blanku, un kòktel den su man i un solo kayente riba su kabes.

E show ta parti di un kampaña di Ofisina di Turismo di Kòrsou (CTB) na Belgika, ku ya kaba ta den su di dos siman. Den e promé siman tabatin komediantenan, despues promoshonnan i partisipantenan por a duna nòmber pa gana un trep pa Kòrsou.

Djasabra siman pasá tur ganadó a bini Kòrsou huntu ku e grupo  di Qmusic pa un siman.

Bishitante- i wéspetnan di e Mangrove hotèl por bishitá e transmishon,  ku ta tuma lugá den oranan di mainta pa motibu di diferensia den ora ku Belgika.

A plania e evento aki promé ku Air Belgium, ku tambe tabata sosio den e kampaña, a disidí di stòp di bula temporalmente pa Kòrsou.

CTB ta bisa sinembargo di ta kere ainda den e merkado di Belgika i ta spera ku Air Belgium lo reanudá su buelonan pronto.