Notisia

RdK: Refineria di Kòrsou na momentu di reanudá operashonnan ta tene su mes na normanan di medio ambiente internashonal 

WILLEMSTAD – Na momentu di reanudá operashonnan Refineria di Kòrsou lo tene su mes na normanan internashonal di medio ambiente. Esei ta loke e sosiedat anónimo di gobièrnu i doño di refineria RdK a deklará den un deklarashon na prensa.

Tantu Refineria di Kòrsou komo e konsorsio Curaçao Petroleum Refinery ta suprayá den e deklarashon na prensa ku nan meta ta pa eksplotá Refineria di Kòrsou kumpliendo ku ‘normanan di medio ambiente manera ta pará den nos leinan’.

Segun RdK esei ta tambe e meta primario di ámbos partido durante e negosashonnan ku ta tuma lugá pa yega na un akuerdo prinsipal.

Den un veredikto ku a dikta resien wes a kalifiká hustamente e lei aki komo inferior. Te ku awor gobièrnu di Kòrsou no a stipulá normanan ku ta riba e mésun liña ku e normanan di e Organisashon Mundial di Salú (WHO) pa emishon di dióksido sulfúriko i stòf fini. 

Éksito

E negosashonnan ta kanando ku éksito segun RdK. Partidonan a hiba  múltiple  negosashon ku e meta fiho pa yega mas pronto ku ta posibel na un akuerdo.

Firmamentu di e ‘Heads of Agreement’ lo habri kaminda pa partidonan por finalisá nan negosashonnan pa porfin logra un akuerdo  riba eksplotashon pa término largu di e refineria i e terminal na Bullenbaai.

Deel dit artikel
Rocargo
Rocargo
Rocargo
Rocargo