Notisia

Reef Renewal Foundation Bonaire ta selebrá dies aña di eksistensia

KRALENDIJK- E fundashon ku ta enkargá su mes na plantamentu di koral rondó di nos isla pa asina frena deteriorashon di nos refnan Reef Renwal Foundation Bonaire (RRFB), ta selebrando nan di dies aniversario e aña aki. 

E fundashon, ku a logra su permit den aña 2012 ta disfrutá di un renombre mundial pa e trabou inovativo k uta hasiendo na Boneiru. E fundashon di Boneiru den su komienso a haña ayudo di Ken Medimeyer, ku tabata hasiendo e mesun tipo di trabo una Florida Keys. 

E fundashon den transkurso di tempu a krese bastante, i ya ta reprodusiendo 7 diferente tipo di koral ku ta wòrdu plantá den e awa k uta rodoná Boneiru. 

Téknika

En general CRFB ta hasi uso di dos diferente téknika pa reprodusí koral, ku ta via di fragmentashon i via di krio di larva. Segun Francesca Virdis di e fundashon, e kombinashon di dos diferente téknika ta hopi importante pa logra e mihó resultado. 

“Por nota tambe ku e koral ku nos a planta algun tempu atras, ya ta reprodusiendo di forma natural. Esaki ke men ku nan a yega un edat kaminda ku nan por reprodusí i asina yuda na rehabilitá e ref den serkania kaminda nan ta reprodusí”, asina Virdis a splika. 

Deel dit artikel
Rocargo
Rocargo
Rocargo
Rocargo