Notisia

Reef Renewal Foundation Bonaireta oumentá kapasidat di kriaderonan di koral 

KRALENDIJK – Reef Renewal Foundation Bonaire (RRFB) ta anunsiá ku nan ta ámplia nan ret di kriaderonan di koral i sitionan di restorashon rònt Boneiru i Klein Bonaire. E ámpliashon aki ta konsekuensia di finansiamentu di e ministerio Hulandes i e entidat públiko Bonaire, ku ta sostené proyektonan di naturalesa i medio ambiente.

Despues di a guia ku éksito un proyekto di kriadero nobo na 2023, RRFB a kuminsá ku diferente kriadero nobo kantu di kosta wèst. E ámpliashon aki a kondusí na oumento di kapasidat di kriadero di koral ku mas ku 20% den e promé lunanan di e proyekto. 

Sambuyadónan ta landa ku un kabuya ku diferente pida koral pegá na dje. Foto: Lorenzo Mittiga

E koralnan ku nan ta usa ta prosedente di tribunan genétiko ku a demostrá resistensia kontra e malesa manera stony coral tissue loss disease (SCTLD) i e blikiamentunan resien di koral. E inisio ku kriaderonan di koral ta parti di RRFB su strategia mas ámplio pa engrandesé e diversidat genétiko di e populashon di koral di Boneiru i asina fortifiká e ref.

Francesca Virdis, director di RRFB, ta aksentuá e importansia di e ámpliashon: “E proseso di ámpliashon di nos kriaderonan lo enserá tantu koral ku ta rama, komo koral ku no ta rama pa un total di djes sorto. Nos ta dediká nos mes na multipliká e sortonan ku SCTLD tin influensia riba dje en partikular”.

Kabuyanan vèrtikal

Un aspekto remarkabel di e ámpliashon ta e instalashon di kabuyanan vèrtikal, un tipo di kriadero di koral nobo ku ta ménos aksesibel pa krio eksesivo di alga i otro tipo di sushamentu bio. A instalá e kriaderonan ku kabuya aki kaba na diferente sitio, entre otro Oil Slick Leap, Lighthouse Point i Angel City.

E kabuyanan vèrtikal ta nobo na e kriaderonan di koral. Foto: Lorenzo Mittiga

Banda di e kriaderonan di kabuya tin mas kriadero instalá, ku ta kontené diferente tipo di koral di piedra ku ta afektá pa SCTLD. RRFB ta komprometé su mes pa repartishon selektivo i konservashon di diversidat genétiko pa mehorá e resistensia di refnan di koral di Boneiru.

Deel dit artikel
Rocargo
Rocargo
Rocargo
Rocargo