Boneiru

Registrashon online pa bakuná awor habrí pa esnan 18 aña bai ariba

Kralendijk- For di awor habitantenan di 18 aña bai ariba por registrá online riba www.bonairecrisis.com pa nan angua kontra corona.

Esei por tuma lugá durante 24 ora pa dia. E persona ku registrá su mes tin ku duna un number di telefòn òf un email. No ta posibel pa registrá mas ku un hende via un e-mailadres. Si tin problema ku e registrashon online, por mèldu esaki na vaccinatie.info@bonairegov.com

Pa mas tardá sinku dia despues di su registrashon, via  email e persona ta risibí e fecha pa su promé i su di dos angua. Entre e promé i e di dos angua tin sinku siman. Ta posibel pa pasa angua di djaluna te ku djasabra.

Number gratis

Den kurso di otro siman tin un number di telefòn nobo grátis pa registrashon pa angua kontra corona. E number akí ta alkansabel for di djaluna te ku djabièrnè di 08:00 – 12:00 or i di 13:00 – 17:00 or i riba djasabra for di 09:00 – 13:00 or. Riba e number akí e hende ku yama por hasi pregunta tambe tokante bakunashon. Mas pronto posibel ta anunsiá e number nobo.

Hendenan ku yama 0800 0800 for di awe pa traha un sita pa pasa angua kontra corona, no ta haña un sita mesora. Ta nota nan nòmber i number di telefòn sí. Despues un empleado di e number di telefòn nobo grátis ta yama nan bèk pa registrá nan i traha un sita pa pasa angua. E number di telefòn 0800 0800 ta keda den uso pa traha sita pa laga hasi tèst di corona.


Deel dit artikel
Rocargo
Rocargo
Rocargo
Rocargo