Rei basta largu pa bakuná djasabra mainta

Kralendijk- Djasabra mainta por a mira un rei basta largu di hende, wardando turno pa a bakuná na Kompleho Deportivo Jorge Nicolaas.

Aktualmente na Boneiru ta bakuná solamente riba djasabra entra 9 ‘or di mainta pa 2 ‘or di atardi. Aunke hopi hende riba e isla a bakuná kaba, tin basta hende ku tin ku pasa di dos angua ainda kontra di Corona. Aktualmente e grado di bakunashon a pasa 81% pa hende ku a pasa e promé angua, i un 70% dia hende ku a pasa tur dos angua.

E meta sinembargo ta pa yega na 85% di e poblashon ku ta ful bakuná, o sea ku tur dos angua. Esaki a bira aún mas urgente ku e asina yamá variante Delta, ku ta mas kontagioso ku variantenan anterior.

Mientrastantu a surpasá un 30% di tur hoben entre 12 ku 17 aña ku tambe a bakuná kaba ku por lo ménos 1 angua.