Rei Willem Alexander lo habri eksposishon tokante sklabitut den Rijksmuseum

Kralendijk- Dia 18 di mei Rei Willem Alexander lo habri e eksposishon tokante sklabitut ku ta bai tin na Rijksmuseum na Hulanda.

Pa motibu di medidanan preventivo kontra di Covid-19, den promé instante e eksposishon lo ta solamente habrí pa muchanan di skol. Despues, sinembargo, e eksposishon lo habri pa públiko general tambe. E eksposishon por wòrdu bishitá den forma virtual tambe.

E eksposishon lo duna un bista di e periodo di sklabitut, a base di 10 historia personal. Ta trata aki di historianan for di diferente punto di bista: esanan oprimí i abusá, esnan ku a probechá di sklabitut, pero tambe esnan ku a rekobra nan libertat.

Rei Willem Alexander lo haña un presentashon dor di e direktor di Rijksmuseum, Taco Dibbits, hefe di e departamentu di Historia, i e mucha muhé di 14 aña di edat Yosina Roemajauw.

For di dia 18 di mei por bishitá e eksposishon virtualmente via di e lenk: www.rijksmuseum.nl/nl/stories/slavernij