Notisia

René Hakkenberg a bai sosegá

KRALENDIJK- Den transkurso di djaweps a drenta notisia ku e konosido René Hakkenberg a bai sosegá. Hakkenberg a yega 80 aña di edat. 

Hakkenberg tabata hopi konosí na Boneiru. Hende di edat un poko mas avansá lo kòrda Hakkenberg komo e direktor di Salt Company pa hopi tempu. 

Den último añanan, Hakkenberg tabata hopi aktivo den direktiva di Jong Bonaire, un puesto ku ela yena hopi aña huntu ku Allan Gross i Jane Townsend.

Deportivo

René Hakkenberg hinter su bida tabata basta deportivo. Te ku un edat hopi avansá ainda e tabata praktiká deporte, entro otro na Bon Bida gym. 

De último añanan René a kuminsá sufri di un enfermedat di pulmón, Idiopathic Pulmonary Fibrosis (IPF). E enfermedat aki a bira fatal p’e tambe. Djaluna René a fayesé ora e tabata durmiendo. E tabata rondoná pa su sernan kerí. 

Hopi hende lo kòrda René komo un hende amabel, respetuoso i di bon kurason. Di otro banda, si e tabata kere e por tabata basta isistente. Tambe, den kaso ku e no tabata gusta algu, e no tabata tin miedo di trese esaki dilanti i di lucha pa un kambio. 

Awor.nu ta deseá forsa na famianan di e defuntu. 

Deel dit artikel
Rocargo
Rocargo
Rocargo
Rocargo