Notisia

Republika Dominkana ta baha impuesto riba pasashi ku 10 dòler

SANTO DOMINGO- Republika Dominikana ta bai stòp di eksigi di biahero internashonal ku esakinan ta kumpra un asyina yamá tourist card na yegada na e isla. Te asina leu tabata kobra 10 dòler pa e karchi aki. 

E medida pa abolí e impuesto a wòrdu anunsiá dor di e presidente di e departamentu di aviashon di Republika Dominikana, José Ernsto Piantini. E siman ku a pasa Piantini a topa ku e aerolíneanan mas importante ku ta sirbi e pais, manera American Airlines, JetBlue Airways, Copa Airlines, Delta, Onder andere Air Caraibes, Iberia, Air Century, Arajet, Red Air en Sky High Aviation Services. Tambe a papia ku IATA i ku dos organisashon ku ta boga pa interes di aerolínanan Dominikano. 

Mucho Impuesto

Segun Piantini a bisa ta un echo ku hopi pais den karibe ta kobra demasiado impuesto riba pasashi. Esaki, ya pa años ta un krítiki di entre otro IATA, pero tambe Caribbean Development Bank. Segun Piantina, hopi pais karibense ta kobra te ku 70 dòler riba un pasashi. 

IATA ku Caribbean Development Bank ta keda pone énfasis riba e echo ku tur e impuestonan ta matando biahamentu entre e islanan poko poko, pero sigur. Den hopi kasi te ku 50% di e preis di pasashi ta wòrdu okashoná pa impuesto den e pasashi. 

Deel dit artikel
Rocargo
Rocargo
Rocargo
Rocargo