Reskate di vlòt ku a senk den haf 

WILLEMSTAD – Refineria di Kòrsou, e doño di e refineria i Marina Real a uni forsa pa saka ‘Vlòt 129’ for di awa.

Esei ta un vlòt di trinta pa ochenta meter ku un peso di ochenta tòn, ku ta den laman banda di Jetty 11, banda di refineria Isla. E opheto ta okashoná peliger pa tráfiko den haf.

Huntu ku e tim di buseo i desmantelahe di Marina Real for di Hulanda a usa e reskate komo ehersisio bou di situashonnan realístiko i ku e retonan nesesario. Defensa a paga pa henter e operashon.

Durante dos siman e tim di ocho persona a traha bou di laman pa desmantelá e opheto. Ta e intenshon pa saka e material otro aña for di awa.

‘Vlòt 129’ ta propiedat di RdK. El a senk algun aña pasá na Jetty 9 durante di trabounan di reparashon. E tempu ei a logra pa mov’é pa Jetty 11. Pero no por a logra e reskate pa motibu di e peso i e distansia.