WILLEMSTAD – E ret di prison SDKK ketu bai ta plat. Djabièrnè siman pasá gerente di prison a informá ku un vírùs a ataká e sistema di IT.

Den un komunikado di prensa gerente di prison a atribuí esaki na un mal funshonamentu chikí ku mientras tantu a resolvé. Pero esei ta parse di no ta korekto.

Matutino Èxtra ta informá ku probablemente no ta trata di un vírùs, sino mas bien un ‘hack’.  Un prisonero lo a inisia e ‘hack’ aki. Tambe deskonosínan lo a instalá un ret di wifi, ku konsekuensia ku e prisoneronan por tin entrada na ínternèt sin ku gerente ta na altura di esei.

Bosero Jabets Pinedo no por duna detaye, pero ta sigurá si ku siguridat te ainda  ta garantisá den prison.