WILLEMSTAD – Ride for the Roses a start ku preparashonnan pa organisá den 2023 e aktividatnan di Ride, Walk & Swim for the Roses. Dos aña largu e evento tabata pará ketu pa motibu di corona.

Manera ta tradishon ta kolektá asina di nobo sèn den kolaborashon ku komunidat pa por sigui  sostené Prinses Wilhelminafonds den lucha kontra kanser i pa guia di pashèntnan di kanser i nan famia.

E último dos añanan Ride for the Roses tabata por a sigui ku e sosten naPrinses Wilhelminafonds, pero, manera e organisashon ta bisa, a bira tempu pa yena e fondonan bèk.

Na momentu ku a anunsiá e temporada nobo a hasi uso di e oportunidat pa lansa e sitio web nobo nobo di Ride for the Roses.

Art for the Roses

Den koperashon ku Landhuis Bloemhof, Number Ten i e Katedral di Sumpiña ta trahando riba e proyekto di arte multidisiplinario Art for the Roses, ku for di mei mei di òktober ta dura un luna largu ku tur sorto di aktividat te dia di e subasta di arte ku ta tuma lugá 19 di novèmber.

Resientemente a duna e publisidat nesesario kaba na e proyekto spesial aki. Ku regularidat ta duna informashon adishonal tokante esaki pa e por bira un éksito.

Sitio web

Bou di e guia apropiá di  Profound en Socialutions Caribbean a traha últimamente na un sitio web nobo pa Ride for the Roses. Esei ta habri e oportunidat pa personanan i instanshanan pafó di Kòrsou  tambe hasi nan donashon via www.ridefortheroses.net

Pelikula

Ta bai organisá huntu ku The Movies un nochi di sine spesial atrobe i e entrada ta bai pa e bon kousa. Riba djaweps 3 di novèmber The Movies ta pone un sala disponibel pa presentá e pelíkula ‘Amsterdam’ ku por sierto ta estrená mundialmente tambe e mésun luna ei. 

Ride for the Roses 2023

Regreso di Ride, Walk en Swim for the Roses lo ta den di dos mitar di yanüari òf komienso di febrüari 2023. A saka e manual di e último edishon di febrüari 2020 komo guia pa hasi e evento aki atrobe un éksito.