Oranjestad/Kralendijk- Despues di un aña di trabou duru di parti di direktor di Kadaster Boneiru, Riency Holder, Kadaster na St. Eustatius ta finalmente pará riba su pia i por funshoná independientemente.
Resientemente a logra kontratá dos persona pa Kadaster St. Eustatius, Arline Alexander i Erroll Brice. Komisario Alida Francis di gobièrno Statiano a gradisí Holder pa su aporto. “Nos ta masha agradesido pa e trabounan di Riency Holder. Ela traha duru durante e aña tras di lomba i nos a progresá hopi”. Francis tambe a nota ku awor e isla por tin un konfiansa den e organisashon nobo di Kadaster St. Eustatius.
E responsabilidat pa e trabou di Kadaster na islanan BES awor aki ta kai bou di Kadaster Hulanda, pero esei no ta kita ku kada isla mester tin su propio organisashon. Pronto St. Eustatius lo introdusí tambe tarifanan nobo pa e diferente servisionan ku nan ta ofresé.
A raportá vários kiebro
Hospital ta tuma medida despues di subida rápido di pashènt ku Covid
Èks gezaghèber Frits Goedgedrag a tuma despedida di Raad van State
Entidat Públiko Boneiru ta organisá lès di spañó pa dunadó di ayudo
