Notisia

Rotary Club Bonaire ta sostene Stichting Mantelzorg i Stichting Project 

Diane Thomas i Jan Okhuijsen (Presidente di RCB) 

KRALENDIJK – E Rotary Club Bonaire (RCB) resientemente a sostené e fundashon mantelzorg ku un donashon di $3.000. Sra. Diane Thomas a duna un splikashon tokante e trabou di e fundashon i a risibí e chèk simbóliko ku gratitut. 

Ya pa algun aña e fundashon Mantelzorg ta trahando riba e kaminda pa pidi atenshon pa e puesto di mantelzorgers na Boneiru. Mantelzorgers ta boluntarionan ku di kurason ta kuida un próhimo. Un próhimo por ta un mayor, un ruman, un bisiña, òf simplemente un amigu òf konosí. Hopi biaha e mantelzorgers nan tin’é pisá ku e trabou ku nan ta hasi, i e fundashon por yuda nan. Tambe e fundashon ta hasi nan esfuerso pa integrá mantelzorg den e kadena di kuido di salud formal.  

E Fundashon Proyekto (FORSA) ya pa hopi aña ta asistí ku éksito, e hóbennan na Boneiru ku pa motibu di sirkunstansianan no por partisipá mas na kas i/òf skol. Pa sostené aktividatnan den e plan di vakashon di e fundashon, Rotary a dona un kantidat di $1,250 na e Proyekto di Fundashon. Director Liënne Domacassé a mustra su gratitud pa e donashon.

Un miembro di Rotary Club, Gregory Obersi, tabata presente na e inisio di un di e aktividatnan pa e hobennan: un quad-tour den e area di Lagun, kada un guiá door di un mentor.  

Deel dit artikel
Rocargo
Rocargo
Rocargo
Rocargo