Roy Martines i Naziro Albarto a sali pa Hulanda pa partisipá den Vierdaagse na Nijmegen

KRALENDIJK – Roy Martines i Nazario Alberto a sali pa Hulanda djabièrnè anochi pa bai partisipá na e di 105 Vierdaagse na Nijmegen. 

E aña aki ta di 17 biaha ku Roy ta partisipá na e kanamentu di Vierdaagse i Nazario ta su di  18 biaha. Pues nan tin hopi bon eksperensia ku e kaminata. E persona mas yòn ku ta partisipá e aña aki tin  11 aña i esun di mas edat tin 94 aña. Mas o ménos 50 mil hende a inskribié pa partisipá. 

E kaminata ta kuminsá djamars awó 18 di yüli i ta terminá 21 di yüli. Famia i konosínan a presentá na aeropuerto Flamingu, pa deseá Nazario i Roy tur klase di éksito, promé ku nan a subi KLM, pa bai Hulanda pa e kaminata.

Boneriano den Vierdaagse

Di Boneiru ta Roy i Nazairo so a biaha pa e kaminata di Vierdaagse i probablemente tin Boneriano bibá na Hulanda, ku tambe ta partisipá na e kanamentu.