WILLEMSTAD – E kompania krusero Royal Caribbean Cruise Lines a disidí pa kambia den 2024 un krusero, ku tabata bishitá Kanal di Panamá, den un krusero den Karibe ku lo bishitá Aruba. E bishita èkstra na Aruba i Kòrsou anteriormente no tabata riba e programa. Ta trata di e barku krusero Rhapsody of the Seas. A pone tur pasahero ku a buk kaba na altura.
E plan original di Rhapsody tabata pa ofresé un krusero di 7 dia, ku ta kuminsá i terminá na Panamá, pasando den Kanal di Panamá. Esaki tabata un aserkamentu nobo pa ofresé un krusero ku tabata hopi pidí sin ku e mester a dura dos siman.
No a duna un motibu spesífiko pakiko a anulá e idea aki. Un meil di e kompania ta informá solamente ku esaki ta pa mehorá e eksperensia di e turista.
A adaptá e skema di biahe pa e krusero entrante 16 di mart 2024 pa un krusero di 7 dia den e parti suit di Karibe. E barku di 264 meter largu, ku por karga 2500 pasahero i 765 miembro di tripulante, lo pasa awor Aruba i Kòrsou, i ademas lo para na Cartagena, Colombia.
Pasaheronan ku a buk delantá tin tempu te fin di ougustus 2023 pa disidí si nan ta bai e krusero ku ta enserá Aruba i Korsou, òf si nan ta kanselá e biahe, pasobra nan deseo original tabata pa wak Kanal di Panamá
Despues di 20 aña KLM ta kuminsá bula bèk pa Trinidad
CHATA ta aploudí turismo komo materia na skol
Aeropuerto Reina Beatrix di Aruba ta ahustá plan di ekspanshon
Ministernan di hustisa di Aruba, Kòrsou i St. Maarten a reuní na Boneiru
