KRALENDIJK- Riba djasabra e organisashon di Miss Bonaire a organisá elekshon di Miss Beach Beauty. 

Na final di e konkurso, Ruby Pouchet a bai ku e premio máksimo. E aktividat a tuma lugá na Marriott Hotel, despues ku siman pasá tabatin hopi áwaseru a kai, a posponé, i e wikènt aki tabata mes un situashon. 

Áwaseru a kai riba e dia i  pa seguridat ku e aktividat ta kontinuá, a buska otro sitio ku no ta Sorobon Beach. Ambiente tabata bon i 3 partisipante a subi esenario 4 biaha durante e anochi, pa nan presentá. Tambe tabatin diferente show mei mei di esnan ku a kompetí. Nòmber di e partisipantenan tabata: Miss Nikiboko

Michell Andrea Emerenciana, Miss Playa Pariba Ruby Pouchet i Miss Antriol Caroline Porras tur a duna un tremendo presentashon na nivel. 

VIP Gala

E evento final di Miss Bonaire, ta bira unu full VIP gala, i ta tuma lugá dia 3 di desèmber den sala di Courtyard Marriott Bonaire.