Saba ke eksplorá harmonisashon maneho di ‘soft drugs’ ku Hulanda

THE BOTTOM- Konseho Insular di Saba ke eksplorá te kon leu lo por harmonisá maneho di ‘soft drugs’ i leinan di opio di tal forma ku por bin ku un maneho di droganan manera marihuana k uta komparabel ku esun na e parti Europeo di Hulanda.

Konseho Insular di e isla, pa e motibu ei, a skibi un karta pa Ministerio di Hustisia di Hulanda ku e súplika pa komunsa ku un sondeo. 

“Nos leinan di opio (Opiumweg BES) ta hopi antikuá. Esaki ta pone ku ménos kos ta permití na nos islanan, kompará ku na Hulanda”, asina e karta ta nota. Tambe ta nota ku kastigunan na islanan BES ta hopi mas haltu ku na Hulanda. Na islanan BES, manera kos ta, no ta permití un asiná yama ‘gedoogbeleid’ ku ta permití kultivashon di mata di marihuana, pero tambe konsumo rekreashonal di entre otro marihuana. 

Otro islanan

Den nan karta, Konseho Insular di Saba ta nota ku na Boneiru por skucha sonidonan similar ku ta skuchando na Saba tambe. Na mes momento Konseho Insular ta nota ku e tópiko ainda te dividiendo e komunidat. “Tin hende ta pro fleksibilisashon i un grado di tolerashon, pero tin otro hende ku ta kontra di esaki”, asinta e karta pa Ministerio di Hustisia ta nota. 

Na Boneiru, resientemente, por sierto tambe tabata tin diskushon riba e echo ku no ta tolerá eksistensia di ‘coffee shop’ manera na Hulanda, kaminda ku por usa o sea kumpra marihuana pa konsumo personal.