Saba ta selebrá su karnaval

THE BOTTOM – Un siman despues di e selebrashon di carnaval na e isla besino di St. Eustatius, e wikent aki ta selebrando karanval na e isla mas chikitu di BES, Saba.

Dividí den kuater grupo, e partisipantenan na e karnaval riba djasabra a pasa dor di kayanan di e kapital, The Bottom. Aunke mas chikí ku e karnaval riba e islanan besino mester bisa ku e partisipantenan den karnaval na Saba semper ta divirtí nan mes hopi.

Un punto notable e aña aki tabata e representashon di diferente grupo étniko den e parada, inkluyendo miembronan di e  komunidat di inmigrante relativamente grandi Kòlombiano i Filipino. Tambe por a nota ku diferente amante di karnaval a bin for di St. Eustatius pa partisipá den e karnaval di Saba.