Notisia

Saba ta spera di pronto kosechá stròbèri lokal

THE BOTTOM – Na Saba nan ta spera di kosechá banda di otro fruta i bèrdura tambe dentro di poko strobèri kultivá lokalmente.

Saba Hydroponic Farm Proyect, ku ta bou di maneho di Gezondheid Farms a kuminsá ku e último fase di konstrukshon den koperashon ku entidat públiko Saba. A basha e plachinan di betòn di e greenhousenan chikí i grandi i e kaminda pa bai ámbos ta kla.

Awor ku e konstrukshon di e dos greenhousenan lo ta kla pa medio di 2023 òf probablemente mas promé, lo inisiá ku e trabounan pa kultivo i benta di e produktonan e ora ei. Aktualmente e empresa a hasi prueba di kultivo ku salada, bèrdura di blachi bèrdè, tomati, kòmkòmber, pampuna hel, kalbas, promenton, yambo, bereheim, patia i  melon. 

Stròbèri

E empresa ta konsentrá awor riba kultivo di planchi di stròbèri. E sitio di e finka na Rendez-Vous den e parti mas haltu di e bandanan di Mount Scenery ta pèrkurá pa temperaturanan mas abou i un humedat mas haltu lokual ta nesesario pa kultivá stròbèri. “Ku 50 planchi mama ku a kumpra na komienso di òktober, e plantashon a desaroyá un proseso di ‘kloon’ pa produsí 700 mata chikitu di stròbèri. Esakinan ta kla pa trese afó na momentu ku a instalá e ekiponan i ku nan ta kla pa uso”, Jim Garza di Gezondheids Farms ta bisa.

Pareu ku a finalisá konstrukshon di un di e dos greenhousenan, lo planta e planchinan di stròbèri i otro produktonan afó. 

Deel dit artikel
Rocargo
Rocargo
Rocargo
Rocargo