Notisia

Segun Daisy Coffie Boneiru ta kresiendo mucho rápido aktualmente

Coffie a ekspresá su mes kontra di un kresementu muchu rapido di poblashon. 

KRALENDIJK- Segun e lider di partido M21 Boneiru aktualmente ta kresiendo mucho rápido i esaki ta tresiendo vários problema kune. Esaki Coffie a bisa durante e debate ku a keda organisá djasabra pa Mega Hit FM i e programa Op de Klippen. 

Na opinion di Coffie, entre otro e kamindanan, pero tambe skolnan ta sufriendo bou di e preshon ku kresementu rápido di poblashon ta tresiendo kune. Ademas, segun lider di e partido ros a bisa, mester konstatá tambe ku e hendenan di Boneiru no a benefisá sufisientemente di e kresementu aki. “Na opinion di M21 mester frena e kresementu rápido aki por lo pronto”, asina Coffie a opiná.

Mas kas soshal

Lider di MPB, Hennysong Thielman, tambe tabata di akuerdo ku e ponensia ku tin e peliger ku Boneiru ta kresiendo muchu rápido. “Un di e problemanan ta ku e kasnan ku a traha den último añanan aki tabata mayoriamente pa segmentunan mas haltu i muchu tiki den e segmento mediano òf mas abou” asina Thielman a bisa. 

Deel dit artikel
Rocargo
Rocargo
Rocargo
Rocargo