Willemstad- Promé Minister saliente Eugene Ruggenaath tambe a konfirmá na prensa ku ta trahando riba un ‘bubbel’ nobo pa biahenan entre e islanan ABC.

Mientras ku na Boneiru, gezaghèber Rijna a anunisiá ku entrante promé di yüni 2021 hendenan ku ta ful bakuná no mester hasi ningun tèst mas pa por biaha pa Boneiru, saliendo for di Aruba i Kòrsou.

Esaki ta konta solamente pa hende ku no a sali for di e islanan ABC ménos ku 14 dia pasá. Rijna no por a duna un fecha ku Kòrsou tambe lo kita e rekesito di un tèst di PCR pa biaheronan ya bakuná ku ta sali for di Boneiru pa Kòrsou. Segun Ruggenaath sinembargo ta trahando duru riba e parti aki.

E tèstnan di PCR ta un molester pa hopi hende na ora di biaha, aparte di e gastunan di esaki ta trese kun’é.