Sekretario di estado Van Huffelen ta papia ku studiantenan Antiano riba opstákulonan ora di regresá nan isla

KRALENDIJK – E siman aki sekretario di estado Van Huffelen (BZK) tabatin un enkuentro ku vários profeshonal di e islanan, pa diskutí riba e problemátika di hopi hóben ku ta bai studia den eksterior i despues no ta bolbe bèk. Segun Van Huffelen esaki ta un pèrdida di oportunidat pa e islanan.

“Ayera mi a papia ku un grupo di hende ambisioso, ku tin un vínkulo ku e islanan, tokante nan eksperensianan i posibel solushon. Huntu nos a wak kon nos por perkurá ku hóbennan di e islanan ta yega bon akinan ora ku nan ke bin studia i pa despues kon nos por hasi esfuerso pa nan bai nan isla  bèk” segun e sekretario di estado.

Segun Van Huffelen ta opvio ku tin un gran nesesidat di data i informashon. Ku data por mustra kon e situashon aktual ta i unda tin mester di hende. Banda di esei ta importante segun e sekretario di estado pa informá e habitantenan di e islanan tur loke por i kiko e konsekuensianan ta di nan eskoho.