Notisia

Sekretario di Estado Van Ooijen malkontentu ku maneho di Mariadal pa loke ta trata Air Ambulance

Sekretario di Estado, Maarten van Ooijen kontestando pregunta djamars den Tweede Kamer tokante Air Ambulans

DEN HAAG/KRALENDIJK- Sekretario di Estado Maarten van Ooijen no ta kontentu ku e manera ku Fundashon Mariadal a komprá e servishonan di Air Ambulance. Van Ooijen a bisa esaki den su reakshon riba preguntanan di miembro di Tweede Kamer di PVDA/GL Raoul White i Don Ceder (CU).

White a hasi su preguntanan krítiko entre otro pa motibu di artíkulonan ku a sali den diferente korant, pa loke ta traha e topiko aki. White tabata kier sa entre otro dikon Hulanda a warda asina tantu tempu pa intervení den e situashon. Van Ooijen no tabata di akuerdo ku es ponensia aki. Segun e sekretario di estado, Ministerio di VWS debidamente a hasi pregunta na Fundashon Mariadal na diferente okashon i finalmente a disidí pa, via di ZJCN kontratá e empresa Medicair di forma direkto. Ku esaki, Van Ooijen a bisa, e fundamentu pa un transporte aéreo den kasoman di emergensia ta reglá atrobe.  

Ceder tabata kier sa for di e sekretario di estado si ta berdat ku durante un di e buelonan, un pasiente a fayese. “Sekretario di estado ta di opinion ku a firma (_kontrato ku Sarpa_, redakshon), e obligashon di kuido di e hospital a wòrdu violá?”.

Ounke Van Ooijen a indiká ku semper ta difísil pa papia tokante kasonan individiual, ela duna di komprondé ku e no ta niun tiki kontentu ku e situashon. “Mi no por bai den detaye tokante kaso individiual. Ta hopi kompliká pa pone un relashon entre e transporte médiko di e persona, i su situshon. Pesei mi no por duna un kontesta konkreto riba e pregunta. Pero mi ta di akuerdo ku señor Ceder: mi ta haña absolutamente indeseabel ku e situashon aki a por surgi. Ku ta kontratá un kompania di aviashon ku no tin derechonan nesesario, mi no por kompronde kon esaki a por pasa. Realmente, mi no ta kontentu ku esaki, pesei den e último periodo di tres luna nos a tuma akshon konkreto. Ora esaki no a duna sufisiente resultado, eventualmente nos a intervení nos mes.”

Investigashon

Aktualmente tin un investigashon den proseso tokante e situashon, ku ta wòrdu hasí pa eks-representante di Hulanda na Willemstad, Erwin Arkenbout. E sekretario di estado a bisa ku e no por a indiká un fecha eksakto ainda pa e konklushonnan di Arkenbout, pero e kere ku esaki lo no bai tuma hopi tempu. 

Deel dit artikel
Rocargo
Rocargo
Rocargo
Rocargo