KRALENDIJK- Djadumingu mainta a ranka sali ku selebrashon spesial pa honra Dia di Antriol, un okashon pa rekonosé e kultura i tradishon úniko di Antriol. E evento, organisá pa Fundashon Antriol Avanti, a reuní miembronan di e komunidat, lidernan lokal i figura importante manera Gezaghebber John Soliano, miembronan di Konseho Insular, i diputadonan manera Clarck Abraham i Anjelica Cicilia.
E selebrashon a enfoká riba e balor di Antriol komo un barrio ku ta bringa un aporte kultural i sosial importante pa Boneiru. Un momento emoshonal tabata e rekonosementu na Sr. Calixto Coffi, un artista i kompositor respetá ku a dediká su bida na músika. Su historia inspirante, desde su tempu den banda manera Grupo Kandela i Trio Los Príncipes, te su komposishonnan rekonosí, a demostrá kon e barrio di Antriol a produsí talentonan di peso.
Ku música, brindis i aktividatnan kultural, e dia a kaba ku un mensahe di unidat: “Huntu nos ta fuerte!”E selebrashon a reforsá e lazo entre habitantenan i a duna un tributo na e herensia riku di Antriol.