Notisia

Sentido di seguridat ta kresiendo na Karibe Hulandes

KRALENDIJK – Bonerianonan tabata sinti nan mes mas sigur den 2021 ku sinku aña pasá. Kasi 90 porshento a duna di konosé di no a sinti nan nunka insigur; na 2017 esaki tabata 81 porshento. Nobentikuater porshento di habitantenan di Sint Eustatius i Saba ta bisa di no ta sinti nan nunka insigur. Esei sifranan di CBS ta mustra pa Hulanda Karibense.

Na 2021 kasi mitar (46 porshento) di e poblashon di Boneiru di 15 aña i mas tabata kere ku no tin kriminalidat den nan bario; 42 porshento a haña ku tabatin tiki kriminalidat i dos porshento a haña ku tabatin hopi kriminalidat. E último sifra aki tabata na 2017 seis porshento.

E habitantenan di Sint Eustatius i Saba ta indiká ku mas frekuensia ku habitantenan di Boneiru, ku segun nan no tin kriminalidat den nan propio bario (respektivamente 87 i 88 porshento).

Habitantenan di Boneiru a duna un sifra di 7,9 pa seguridat den nan bario; na 2017 esei tabata un 7,7. Habitantenan di Sint Eustatius i Saba a duna respektivamente un 8,7 i un 9,3; e sifranan aki a keda meskos kompará ku kuater aña pasá.

Molèster den bario  

Na 2021 62 porshento di habitantenan di Boneiru a indiká di eksperensiá ratu ratu molèster den nan bario. Esaki ta mas abou ku na 2017 ora esaki tabata kasi 70 porshento.

Sa tin mas molèster relatá ku tráfiko: 47 porshento di e habitantenan ta bisa ku esaki sa sosodé den nan bario, spesialmente outonan ku ta kore duru.

Trintiun porshento di e habitantenan ta bisa ku tin ora den nan bario sa tin deterioro físiko manera sushi di bestia, sushi riba kaya òf mobilario di kaya ku a destruí den nan bario. Mésun kos bintiun porshento ta opiná di molèster sosial manera buracheria i grupo di hóbennan riba kaya.

Habitantenan di Saba ta raportá mas tantu ku habitantenan di Boneiru  molèster di tráfiko (80 porshento), degradashon físiko (41 porshento) i molèster sosial (31 porshento). Na Sint Eustatius habitantenan ta raportá menos frekuente molèster di tráfiko (31 porshento) i spesialmente molèster sosial (7 porshento) ku personanan riba e otro dos islanan.

Deel dit artikel
Rocargo
Rocargo
Rocargo
Rocargo