Notisia

Seremonia di Dodenherdenking na Boneiru a tuma lugá ku diskurso i ponementu di krans

KRALENDIJK- Riba djaweps na pia di waf Chiku Mercelina, na altura di Parke Wilhelmina, a tuma lugá e ceremonia pa rekordá esnan ku a pèrdè nan bida durante segundo guera mundial. 

Pastor Alex Senchi, tabata e promé ku trese palabra di Dios pa tur presente. ”Dios bendishoná boso tur. Danki pa e libertat ku nos tin na Boneiru i mundu kompletu. Biba ku guera, bringa ku e pensamentu pa ami ta mihó. E libertat aki ta grasia di Dios i nos aki no a lucha pe. Otronan den pasado a lucha pa nan bida, pa nos awe ta liber. Nos tabata katibu, pero señor a salba nos. Keda papia ku nos yunan tur momentu. Tur hende mester mira ku nos ta un pueblo liber. No laga niun hende hasi bo katibu, pa nos biba den bon harmonia ku otro. Nos 2 so no ta forma harmonia. Huntu ku tur, nos mester hasié. Dios libra mi fo’i mi mes. Danki pa tur ku ta aki den nòmber di Hesus”, asina Senchi a bisa. 

Gezaghèber interinio, Reynold (Nolly) Oleana a rekordá ku ya ta 76 aña pasá ku di 2 guera mundial a kaba. “Esnan ku a pasa den guera, hamas i nunka por lubidá esaki”, asina Oleana a bisa. 

Representante di Reino, Jan Helmond tambe a hiba un diskurso. Helmond a rekòrdá tambe sufrimentu di katibu. 

Krans

Despues a sigui ku ponementu di krans di parti di representante di Reino, Veteranen Vereniging Bonaire i Kustwacht, Koninklijke Marechaussee, Korps Politie Caribisch Nederland, Hoofd Belastingdienst Douane Caribisch Nederland i miembronan di Kùra Korsa. 

Despues di esaki studiantenan di SGB-SLP, a presentá un poesia. Ta trata di Ezjenaizja Martijn, Radinka Alberto en Rusaini Nicacia i a finalisá e parti ofisial.  

Deel dit artikel
Rocargo
Rocargo
Rocargo
Rocargo