WILLEMSTAD- E archivonan nashonal di Sürnam, Kòrsou i Aruba huntu lo kuminsá ku un webinar di 24 di novèmber próksimo. E webinar tin ku meta pa diskutí tokante retonan di e archivonan aki den área di Karibe ku ta usa idioma hulandes.
Tur tres archivo ta pará dilanti retonan basta grandi, ora ta trata di digitalisashon. Durante un periodo di no ménos ku ocho luna, lo tin vários tópiko ku lo bai trata den e webinarnan aki. Enfoke ta e hendenan ku ta trahando den e archivonan nashonal riba nos islanan i tambe Sürnam.
Lo tin hopi espasio pa interakshon, interkambio di eksperensia entre partisipantenan i tambe métodonan ku por usa mihó den e tipo di archivonan aki.
Registrashon
Esnan ku ta interesá pa partisipá por hasi esaki via di e link aki.