Servisio di impuesto ta kobrando impuesto di vehíkulo motorisá, pero ta hasi fout

WILLEMSTAD – Servisio di impuesto ta kobrando impuesto di vehíkulo motorisá atrasá. Esnan ku no a paga e impuesto aki den pasado mester hasi esei awor ainda. Pero e servisio ta bisa ku a hasi fout ku e impuesto di vehikulonan motorisá di 2018 i 2019.

A imponé e impuesto aki inhustamente of robes. A haña mientrastantu e  kousa di e eror aki i e siman aki ta saka e impuestonan ku a korihí. P’esei no tin nodi di oponé kontra esaki.

Si riba 1 di ougùstes e doño di outo no a haña un redukshon di impuesto e mester oponé kontra esaki. E término pa oponé ta dos luna.

Pronto lo saka tambe e balotashon di impuesto di aña 2020 i 2021. Lo hasi uso di formulario di impuesto adaptá, pasobra a konstatá  ku e formulario di impuesto tabata kontené parti patras informashon inkorekto i opsoleto.

Ministerio di Finansas ta spièrta doñonan di outo ku tanten ku no a entregá e plachi di number, nan ta keda debe e impuesto.