WILLEMSTAD – Servisio di Impuesto di Kòrsou ta buskando 1239 kuenta di banko di pagadónan di impuesto ku mester haña sèn bèk ainda. Esei ministerio di Finansas ta informá. Ta trata di 1.7 mion florin ku ta warda pa restituí.

Ta responsabilidat di e pagadó di impuesto pa informá Servisio di Impuesto mas lihé ku ta posibel su datonan di banko ku falta.

A paga den luna di novèmber te ku awor 7.6 mion florin na restitushon. Banda di e pago di 6.4 mion riba 2 i 3 di novèmber a paga riba 11 i 14 di novèmber 1570 deklarashon di impuesto ku huntu ta forma un montante di 1.2 mion florin.

Promé ku restituí ta deskontá eventual debenan ku ta habrí ainda manera impuesto pa kue sushi, impuesto inmovibel òf sobrá impuestonan.

Den luna di novèmber a deskontá te ku awor 3 mion florin na debenan ku ta habrí, di kua 1.3 mion ta impuesto inmovibel.