Servisionan di EPB ta habri mèrdia djaweps

KRALENDIJK- E servisionan di Gobièrnu ku ta kai bou di Entidat Públiko Boneiru (EPB) riba djaweps lo no habri parti mainta, si no for di 1 ‘or i mei di atardi. 

Esaki EPB a komuniká den oranan lat di anochi riba djarason. Inisialmente tabata e intenshon pa habri parti mainta, pero sin ku por a duna tur servisio ainda. Esaki en konekshon ku sierto medida di prekoushon ku a tuma pa ku sistemanan automatisá di EPB. 

Mas lat anochi a disidí ku lo no habri mas parti mainta, si no despues di merdia. Pa ta eksakto 1 ‘or i mei di atardi. EPB ta bisa ku nan ta konta riba komprenshon di siudadano pa ku e desishon.