Krio di bestia

Seshon di informashon tokante krio profeshonal di kabritu

Kralendijk – Departamentu di LVV ta organisá djasabra awor 19 di yüni 2021 un anochi di informashon general tokante Krio Profeshonal di Kabritu. Témanan ku lo keda presentá lo ta entre otro maneho, mehorashon di rasa, produkshon di karni di lamchi i kuminda di bestia. E anochi lo ta di 7’or pa 9’or di anochi.

E proyekto di Krio Profeshonal di Kabritu a inisiá for di ougùstùs 2020 den estrecho koperashon ku Departamentu di LVV. E meta ta pa krea un situashon positivo dor di kombiná ekonomia i ekologia. Esaki ta nifiká fortifiká krio di kabritu i tene kabritu den kurá.
E prome paso ta pa mehorá e kalidat di karni di kabritu. Por produsí karni di lamchi ku tin un preis di benta más haltu, hasiendo uso di un mihó maneho i mehorashon di rasa.

Pa por partisipá lo tin ku registrá serka LVV na number 7178836 of manda imeil na gracia.frans@bonairegov.com. Un máksimo di 50 persona por partisipá.

Deel dit artikel
Rocargo
Rocargo
Rocargo
Rocargo