WILLEMSTAD – E shofùr ku a okashoná un aksidente serio den Welatinaweg na Heintje Kool, a resultá di ta un mucha di 12 aña. El a dal e outo den un palu di lus i a bin resultá kontra un muraya di kas. Despues di e choke e shofùr hóben a bandoná e sitio di e aksidente, pero a regresá mas despues. Un pasahero ku tabata den e outo a resultá heridá.

E impakto di e choke a okashoná daño konsiderabel. Fuera di e palu di lus ku a daña, a interumpí tambe suministro di koriente den e bario. Ademas a kibra un pipa di awa, loke a resultá den un lèkashi ku a plama den henter e bario.

Pa motibu di e seriedat di e situashon e bomberonan mester a kòrta un parti di e vehíkulo pa por a saka e pasahero heridá. A transportá tantu e shofùr hóben komo e pasahero ku ambulans pa sala di emergensia di Curaçao Medical Center pa mas tratamentu médiko.

Ta deskonosí ainda ki mishi e mucha di djesdos aña tras di stür di e vehíkulo.