KRALENDIJK – Fin di siman ku a pasa polis a detené dos shofùr di skuter i un outomobilista pa motibu di kore bou di influensia di alkohòl.

Den oranan tempran di djasabra mainta 26 di ougùstùs a detené dos shofùr di skuter pa motibu di kore bou di influensia di alkohòl. A para e sospechosonan durante un kontrol di rutina riba e krusada di Kaya Gilberto F. Croes i Kaya Libertador Simon Bolivar. Despues di un tèst di aliento a resultá ku ámbos shofùr tabata bou di influensia di alkohòl. Konsekuentemente a detené tur dos. E personanan detené ta un hende hòmber di 18 aña ku e inisialnan P.d.R. i un hende muhé di 21 aña ku e inisialnan M.G.C.

Un aksidente unilateral ta kondusí na detenshon di shofùr bou di influensia

Den kareda di 2’or di madrugá di djasabra 26 di ougùstùs un patruya di polis ta topa ku un outo ku a bòltu na Bulevar E.E.G., bandi di Donkey Beach. Na yegada di servisionan di emergensia a topa e shofùr den e vehíkulo. Komo ku e tabata papia un tiki bruhá a hasi tèst di aliento serka dje. E resultadonan di e tèst tabata motibu pa detené e shofùr bou di sospecho di kore bou di influensia. Pa motibu di e leshonnan ku el a haña di e insidente, entre otro pida pida glas den su pia, a transport’é promé ku ambulans pa hòspital pa tratamentu médiko