Notisia

Sientífikonan hulandes ta logra kria zeapel Diadema na Saba

Sientífikonan hulandes ta logra kria zeapel Diadema na Saba
Un zeapel Diadema adulto. Pòtret: seagg.org

THE BOTTOM- Sientífikonan di Hogeschool Van Hall Larenstein na hulanda a logra kria algun zeapel hóben di e rasa Diadema na Saba. E zeapelnan ta hunga un ròl importante pa nos refnan. 

De añanan ochenta di siglo pasá un malesa misterioso a mata kasi tur zeapel den área karibe. Pa basta aña sientifikonan a purba di kria zeapel den laboratorio pa la nan lòs despues den laman, pero sin muchu eksito. E zeapelnan ta importante, dor ku ta kome alga ku por stek e koralnan den nos refnan. 

Saba

E sientifikonan di Van Hall Larenstein a disidí di muda nan eksperimento pa e isla di Saba, serka di e ambiente na unda normalmente nan tabata biba. E moveshon aki a resultá pasombra a logra kria 19 zeapel hóben. Ora nan ta mas grandi, nan lo wòrdu lagá lòs den laman ku ta rondoná Saba. 

Awor ku a logra kria a yunan di zeapel, e siguiente reto ta pa bai kria e animalnan na un eskala muchu mas grandi. E ambishon ta, pa kria por lo ménos 3000 animal pa laga esakinan lòs pa nan kuminsá yuda kontene e alganan ku ta tapa e refnan . 

Deel dit artikel
Rocargo
Rocargo
Rocargo
Rocargo