Notisia

Simadan na honor di Chana i Doei a hala hopi hende djaluna

Chana, sintá akdi den golf cart, tambe tabata presente na inisio di e Simadan na honor di Chana ku Doei. Pòtret: ABC Online Media

KRALENDIJK – Simadan na Playa, ku tradishonalmente ta tuma lugá e dia despues di Dia di Rincon, e aña aki a hala hopi hende di nobo i tambe a kondusí na un bista hopi kolorido ku gruponan na trahe folkloriko den kayanan di Playa. 

E ‘Simadan na honor di Chana i Doei’ ta un tradishon ku a surgi despues ku Doei i Chana Diaz a disidí pa organisá un Simadan na Playa Pariba, serka nan kas. E evento a krese te na un paradá grandi ku ta pareu ku e paradanan di carnaval ku tin kada aña.

Pa parti di e Kolégio di Gobernashon, delegada Jolinda Craane tabata presente na e apertura. Organisashon di Simadan na Honoer di Chana ku Doei tabata na man di Fundashon Klave e aña aki.

Familia

Na nòmber di famia di Diaz, Judy Diaz a dirigí palabra na e multitud. “Mi ta sintim kontentu i onrá ku e tradishon ku mi mayornan a start, ta keda mantené”, Diaz a bisa.

Lesa tambe: https://awor.nu/inishativa-di-doei-i-chana-diaz-a-komberti-den-evenemento-kultural-di-marka-mayo/

Deel dit artikel
Rocargo
Rocargo
Rocargo
Rocargo