Siman ekstremadamente kalor na Boneiru ku temperaturanan te 35 grado C 

KRALENDIJK – Habitantenan di e isla mester prepará pa un siman hopi kalor, asina Carribean Weather Center ta informá. Awe kaba ta ferwagt temperaturanan di 33-34 grado Celsius i e próksimo dianan e temperatura lo subi te 34-35 grado Celsius.

Anochi no ta trese masha alivio ku temperaturanan mínimo rondo di 28 grado Celsius. Un bentaha ta ku shelu riba e islanan ABC generalmente lo ta limpi, ku masha tiki òf nada di stòf di Sahara. Bientu lo ta en general moderá te fuerte.

Ta konsehá habitantenan pa prepará nan mes bon riba e kalor aki, bebe sufisiente awa i protehá nan mes kontra e solo skèrpi.