Sin bakuna no por ‘papia’ ku damanan di Pachi’s Place

KRALENDIJK- Otro siman djaluna 22  di november Papa Pachi’s ta habri atrobe pa duna servisio na esnan ku ta deseá esaki. Despues ku Papa Pachi’s tabata sera kasi 2 aña, e establisimentu porfin a haña  lus bèrdèe pa por habri atrobe. Esaki e propietario Aries Felix a bisa durante un enkuentro ku prensa awe mainta.

Felix a splika ku tabatin hopi opstákulo promé ku a yega na e pèrmit pa e lugá por ta habri manera tabata e kaso den pasado. Tin diferente regla meskos ku otro sitionan i mester tene kuenta ku nan pa por ta presentá na Papa Pachi’s.

Bakuna

Un parti ku diferente visitante potencial di e sentro nokturno lo no ta kontentu ku lo ta ku kada visitante mester ta bakuná pa por drenta i ‘papia’ ku un di e diferente damanan. For di djaluna awor e lugá ya menshoná ta habri.