Notisia

Sion Janga ku periodo di estudio den aviashon na Hulanda

Sion Janga ku periodo di estudio den aviashon na Hulanda

KRALENDIJK- E hóben Boneriano Anthony ‘Sion’ Janga, liá na partido den lantamentu M21, ta bai hasi un periodo di estudio na Hulanda. Esaki a keda komuniká pa Daisy Coffie na nòmber di M21. 

“Despues di a invertí tempu den krea oportunidat pa hóbennan boneriano pa asina nan por tin mas influensia riba solushonnan i desishonnan pa Boneiru, awor Janga mes a risibí un oportunidat di oro”, asina M21 a skibi.

Janga ta bai traha pa algun luna na Stichting Rotterdam The Hague Airport. Esaki ta un fundashon ku ta kai bou di Rotterdam The Hague Airport i Schiphol Group kaminda nan ta enfoká riba trese solushonnan pa hasi aviashon mas sostenibel. E fundashon akí ta okupando su mes ku vários proyekto, manera produkshon di kombustibel sostenibel pa avion, mehorá eksperensia di pasaheronan na aerpuerto, realisá avion ku ta bula riba koriente i hidrógeno, introdusí ‘drone’ riba tereno di aeropuerto i tambe un laboratorio kaminda nan ta eksperimentá ku diferente produkto i servisio pa hasi aviashon mas sostenibel, seif i barata. 

Partisipashon di hóben

Na Boneiru Sion Janga ta sostené i forma parti di e organisashon Movementu 21 (M21) di Daisy Coffie. Un di M21 su punto nan di lansa ta pa envolví hóbennan mas den polítika i gobernashon na Boneiru.

Deel dit artikel
Rocargo
Rocargo
Rocargo
Rocargo